तनहुँको आँबुखैरेनीमा बस दुर्घटना हुदाँ १५ जना घाइते
काठमाडौँ । तनहुँ जिल्लाको आँबुखैरेनीमा यात्रुवाहक बस दुर्घटना हुँदा १५ जना घाइते भएका छन्।
बुधबार दिउँसो करिब ४ बजेर १० मिनेटको समयमा मुग्लिनबाट तनहुँ तर्फ जाँदै गरेको ग १ ख ९४०२ नम्बरको बस आँबुखैरेनी गाउँपालिका कार्यालयअगाडि रहेको खहरे खोलामा बनेको पुरानो र नयाँ पुलको बीचमा रहेको खोल्सामा खसेर दुर्घटना भएको हो।
इलाका प्रहरी कार्यालय आँबुखैरेनीका प्रहरी निरीक्षक टेक प्रसाद सुवेदीका अनुसार दुर्घटनामा परेका १५ जना घाइतेमध्ये ३ जनाको अवस्था मध्यम रहेको छ भने बाँकी १२ जनाको अवस्था सामान्य छ।
