कामना सेवा विकास बैंकको १६ हजार कित्ता शेयर सर्वसाधारणलाई बिक्रीमा
काठमाडौं । कामना सेवा विकास बैंक लिमिटेडले संस्थापक शेयर बिक्रीमा राखेको छ । बैंकले विभिन्न संस्थापक शेयरधनीहरूको नाममा रहेको १६ हजार कित्ता शेयर बिक्रीमा राखेको हो ।
उक्त संस्थापक शेयर सर्वसाधारणले मात्रै किन्न पाउँछन् । यसअघि बैंकले संस्थापक शेयरधनीले मात्रै किन्न पाउने गरी शेयर बिक्रीमा राखेको थियो । तर ३५ दिनसम्म शेयर बिक्री नभएपछि सर्वसाधारणमा बिक्री खुला गरिएको हो ।
सो शेयर किन्न इच्छुक व्यक्ति वा संघसंस्थाले आवश्यक पर्ने कागजात सहित १५ दिनभित्र काठमाडौंको ज्ञानेश्वरस्थित बैंकको केन्द्रीय कार्यालयमा आफूले किन्न चाहेको शेयर विवरण खुलाई निवेदन दिनु पर्नेछ ।
बिक्रीमा राखिएको शेयर सम्बन्धी थप जानकारी लिनका लागि बैंकको शेयर विभागमा सम्पर्क राख्न सकिने सूचनामा उल्लेख गरिएको छ।
