नेशनल लाइफ इन्स्योरेन्सद्वारा दाङमा बीमा दावी भुक्तानी
काठमाडौँ । नेशनल लाइफ इन्स्योरेन्स कम्पनी लिमिटेडले मृत्यु दावी भुक्तानी गरेको छ । कम्पनीको दाङ , तुलसीपुर शाखा कार्यालयले मंगलबारका दिन बीमा दावी वापतको दुई लाख ५० हजार रुपैयाँ हस्तान्तरण गरेको हो ।
कम्पनीमा दाङका सुमेल चौधरीले केही वर्ष अगाडी बीमालेख २१३०११६५४ का प्रस्तावक रही छोरा आयुष चौधरीको बीमांक रकम दुई लाख ५० हजार रुपैयाँ बराबरको बीमा गरेका थिए । उनले छोरा आयुष चौधरीको १६ वर्ष अवधिको बाल अमृत सावधिक बीमा गरेको दाङ शाखा कार्यालयले जनाएको छ ।
कम्पनीका अनुसार बीमालेख शर्त बमोजिम प्रस्तावक चौधरीको मृत्युपछि कम्पनीले भदौ १८ गते (मंगलबार) बीमितको घरमा नै पुगी दुई लाख ५० हजार रुपैयाँ बराबरको दावी भुक्तानी दिएको छ ।
उक्त दावी भुक्तानी कार्यक्रममा तुलसीपुर शाखा प्रमुख कमला कुमारी खड्का, मार्केटिङ प्रमुख मोहन बुढाथोकी, बिजनेश म्यानेजर कान्छी चौधरी र स्थानीयहरुको उपस्थिती रहेको थियो ।
