सुस्ताउँदै शेयर बजारः परिसूचक २७८६ बिन्दुमा, ह्वात्तै घट्यो कारोबार
काठमाडौँ । दुई दिन राताम्य भएको बजार आज भने झिनो सुधार भएको छ । पछिल्लो समय माफियाहरु एक्जिट हुँदा शेयर बजारमा पहिरो गइरहेको हो । नाफा बुक गरेर ठुला लगानीकर्ता अब बजार घटाएर प्रवेश गर्ने खोजि गर्ने छन् । जसबाट स–साना लगानीकर्ताको लगानी जोखिममा पर्ने गरेको छ ।
बजारमा जसरी अस्वभाविक वृद्धि भएको थियो सोहि अनुसार ओरालो गति तिर पनि लागि रहेको छ । अहिले स–साना लगानीकर्ताहरु समेत शेयर बिक्री गर्ने हाबि भइरहेका छन् । बजार निरन्तर घट्न थालेपछि लगानीकर्ता आत्तनी थालेका हुन् । कारोबार आज ह्वात्तै घटेको हो ।
नेपाल स्टक एक्सचेञ्ज (नेप्से) ३.८० अकंले बढेर २७८६.४० बिन्दुमा कायम भएको हो । आज ३२६ कम्पनीको ३ करोड ५० लाख ७ हजार कित्ता शेयर किनबेच हुँदा १३ अर्ब ७२ करोड ७३ लाख रुपैयाँको कारोबार भएको हो । हिजो १८ अर्ब ६४ करोडको कारोबार भएको छ ।
बुधबार बैंकिङ समूहको ०.९२ प्रतिशत, होटल तथा पर्यटन समूहको ०.०९ प्रतिशत, हाइड्रोपावर समूहमको ०.४९ प्रतिशत, इन्भेष्टमेन्ट समूहको १.०१ प्रतिशतसहित आठ उपसूचकमा हरियाली भएको छ ।
यसदिन पाँच कम्पनीको शेयरमा सकारात्मक सर्किट लागेको हो ।
