लाभांश पारित गर्ने एजेण्डा सहित कुमारी क्यापिटलले डाक्यो साधारणसभा
काठमाण्डौ । कुमारी क्यापिटल लिमिटेडको छैठौं वार्षिक साधारणसभा असोज ३ गते बस्ने भएको छ । कम्पनीको भदौ १० गते बसेको सञ्चालक समितिको बैठकले काठमाण्डौको टंगालस्थित कुमारी बैंकको कार्यालयमा साँझ ५ बजेबाट सभा बस्ने निर्णय गरेको हो ।
सभाले प्रस्तावित चुक्तापूँजीको १५ प्रतिशत लाभांश (करसहित) वितरण प्रस्ताव पारित गर्नेछ ।
साथै आर्थिक वर्ष २०८०।८१ को सञ्चालक समितिको वार्षिक र लेखापरीक्षकको प्रतिवेदन सहित गत आवको वासलात, नाफा नोक्सान हिसाब तथा सोही अवधिको नगद प्रवाह विवरण लगायतका वित्तीय विवरणहरु छलफल गरी पारित गरिनेछ । सभामा चालु आवका लागि लेखापरीक्षकको नियुक्ती तथा स्वतन्त्र सञ्चालकको नियुक्तीको एजेण्डा समेत राखिएको छ ।
