ज्योति विकास बैंकको शेयर सर्वसाधारणलाई बिक्रीमा
काठमाडौं । ज्योति विकास बैंक लिमिटेडले संस्थापक शेयर बिक्रीमा राखेको छ । बैंकले केही संस्थापक शेयरधनीहरूको नाममा रहेको शेयर सर्वसाधारणले किन्न पाउने गरी बिक्रीमा राखेको हो ।
बैंकले यसअघि उक्त शेयर संस्थापक शेयरधनीहरूले मात्रै किन्न पाउने गरी बिक्री खुला गरेको थियो । तर ३५ दिनभित्र पनि संस्थापक शेयरधनीले शेयर नकिनेपछि सर्वसाधारणले मात्रै किन्न पाउने गरी पुनः बिक्री खुलाएको हो । बैंकले बिक्रीमा राखिएको शेयरको सङ्ख्या भने खुलाएको छ्रैन ।
सो शेयर किन्न इच्छुक सर्वसाधारण व्यक्ति, कम्पनी वा संघसस्थाले आवश्यक पर्ने कागजात सहित ३५ दिनभित्र आफूले किन्न चाहेको शेयर सङ्ख्या र सोको मूल्य समेत खुलाई काठमाडौंको कमलपोखरीस्थित बैंकको प्रधान कार्यालयमा निवेदन दिनु पर्नेछ ।
