दुबईमा एमडिआरटीको ग्लोबल कन्फ्रेन्स आजबाट सुरु, सानिमा रिलायन्सको टोली दुबईतर्फ प्रस्थान
काठमाडौं । विश्वभरका जीवन बीमा अभिकर्ताहरुको अन्तर्राष्टि प्लेटफर्म मिलियन डलर राउण्ड टेवल (एमडिआरटी) को ग्लोबल कन्फ्रेन्स युनाइटेड अरब इमिरेट्ट (युएई) को दुबईमा आजदेखि सुरु हुँदैछ । सो सम्मेलनमा भाग लिन सानिमा रिलायन्स लाइफको टोली आज विहान त्यसतर्फ प्रस्थान गरेको छ ।
यही अगस्ट २६ देखि अगस्ट ३० सम्म दुबईमा हुने पाँच दिने सम्मेलनमा विभिन्न सत्रहरुमा बीमा अभिकर्ताहरुको क्षमता अभिबृद्धि सम्बन्धी गोष्ठी, सेमिनार तथा व्यक्तित्व विकास सम्बन्धी तालिमहरु हुनेछन् ।
सो सम्मेलनमा भाग लिन सानिमा रिलायन्स लाइफको तर्फबाट दुई जना बीमा अभिकर्ताको टोली आज त्यसतर्फ प्रस्थान गरेको हो । कम्पनीका उत्कृष्ट एजेन्सी नमिता न्यौपाने र कल्पना बिष्ट त्यसतर्फ प्रस्थान गरेका हुन् । एमडिआरटी, सिओटी, टिओटी बिजेता नमिता यसअघि अमेरिकाको बार्षिक सभा र अस्ट्रेलियामा सम्पन्न भएको ग्लोबल कन्फ्रेन्समा सहभागी भइसकेकी छिन् ।
दुबईमा हुन गइरहेको एमडिआरटीको ग्लोबल कन्फ्रेन्समा नेपालबाट अन्य थुप्रै व्यक्तिहरु पनि पुगेको जानकारी प्राप्त भएको छ ।
