सुनको मूल्य तोलामा १ हजार रुपैयाँले बढ्यो
काठमाडौं । नेपाली बजारमा सुनको मूल्य बढेको छ । आज नेपाली बजारमा सुनको मूल्य तोलामा १ हजार रुपैयाँले बढेको हो ।
नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला १ लाख ५२ हजार ४०० रुपैयाँ कायम भएको छ । अघिल्लो कारोबार दिन शुक्रबार सुनको मूल्य तोलामा १ लाख ५१ हजार ४०० सय रुपैयाँमा कारोबार भएको थियो ।गत बुधबार भने घरेलु बजारमा सुनको मूल्य हालसम्मकै उच्च भएको थियो । बुधबार सुनको मूल्य तोलाको १ लाख ५३ हजार रुपैयाँ कायम भएको थियो ।
यसैगरी, यो दिन चाँदीको मूल्य तोलाको १ हजार ८५० रुपैयाँमा कायम भएको छ । शुक्रबार भने यसको मूल्य प्रतितोला १ हजार ८१५ रुपैयाँ थियो । यसैगरी,महासंघका अनुसार आज प्रति १० ग्राम छापावाल सुनको मूल्य १ लाख ३० हजार ६६० रुपैयाँ कायम भएको छ ।
