चितवनको घुमाउनेमा बस दुर्घटना हुँदा १७ जना घाइते
काठमाडौं । मुग्लिङ–नारायणगढ सडकखण्डको घुमाउनेमा यात्रुवाहक बस दुर्घटना हुँदा १७ जना घाइते भएका छन् ।
महेन्द्रनगरबाट काठमाडौं आउँदै गरेको सुदूरपश्चिम प्रदेश ०२–००१ ख १३३२ नम्बरको बस आज बिहान सवा सात बजे भरतपुर महानगरपालिका–२९ घुमाउनेमा दुर्घटना भएको हो ।
बस अनियन्त्रित भएर दुर्घटना भएको र सडक किनारमा लगाइएको बारले छेकेकाले त्रिशूली नदीमा खस्नबाट जोगिएको बताइएको छ ।
दुर्घटनामा परि घाइते हुनेहरूमा १३ जना पुरुष र ४ जना महिला रहेका छन् । उनीहरू मध्ये ५ जना मध्यम र १२ जनाको अवस्था सामान्य रहेको प्रहरीले जनाएको छ । घाइतेहरूको उद्धार गरी मेडिकल कलेज चितवनमा उपचार भइरहेको छ ।
तस्वीर स्रोतः सामाजिक सञ्जाल
