नेपाल बीमा प्राधिकरणमा दुई सञ्चालक नयाँ आउँदै, तेस्रो सञ्चालक पनि फेरिने सम्भावना
काठमाडौं । नेपाल बीमा प्राधिकरणले अब छिट्टै दुई जना नयाँ सञ्चालक पाउने भएको छ । निवर्तमान बिज्ञ सञ्चालक कपिलदेव ओलीको चार वर्षे पदावधी सकिएर गत भदौं दुई गते नै बिदाई गरिसकिएको छ । उनको ठाउँमा नयाँ बिज्ञ सञ्चालक आउनेछन् । उक्त नयाँ बिज्ञ सञ्चालक हुनको लागि नेपाल सरकारले नै नियुक्त गर्नुपर्ने हुँदा केही समय भने पक्कै लाग्नेछ ।
उता, अर्थमन्त्रालयबाट प्रतिनिधित्व गरेका नारायण रिसालको पनि सरुवा हुने सम्भावना बलियो रहेको छ । अर्थमन्त्रालयका सह सचिवहरुको सरुवाको क्रम चलिरहेकोले रिसालको सरुवा भएको अवस्थामा पनि अर्थमन्त्रालयबाट प्रतिनिधित्व गर्ने सञ्चालक फेरिने छन् ।
उल्लेखित दुई सञ्चालक बाहेक तेस्रा सञ्चालक कानुन मन्त्रालयका प्रतिनिधि मन बहादुर अर्याल पनि यतिबेला न्यायाधिश बन्ने लाइनमा रहेका छन् । अर्याल न्यायाधिश बन्न गएको अवस्थामा पनि तेस्रो सञ्चालक पनि फेरिनेछन् । बीमा प्राधिकरणमा पछिल्लो समय दुई उच्च तहकासहिच चार जना कर्मचारीले अवकास लिएका थिए । त्यस्तै, सञ्चालक कपिल देव ओलीको पनि भर्खरै विदाई गरिएको छ ।
बिज्ञ सञ्चालक हुनको लागि बीमा क्षेत्रमा कम्तीमा पाँच वर्ष काम गरेको तथा स्नोतकोत्तर तह उत्तिर्ण व्यक्ति मात्रै सञ्चालक बन्ने हुँदा अब नयाँ सञ्चालक नियुक्त गर्दा सरकारले पनि ऐनको विशेष ध्यानदिनुपर्ने देखिएको छ ।
