ललितपुरको कुम्भेश्ररमा भएको आगलागी नियन्त्रण
काठमाडौँ । ललितपुरको कुम्भेश्ररस्थित कोदाहालको एक घरमा आज बिहान ९ बजे आललागी भएको छ । ललितपुर महानगरपालिका–१६ कुम्भेश्ररका अजरमान शाक्यको घरमा आगलागी भएको हो ।
जिल्ला प्रहरी परिसर ललितपुरका अनुसार आगलागी बिहान ९ बजेतिर सुरू भएको थियो। घरको माथिल्लो तलाबाट सुरू भएको आगो नियन्त्रणमा लिनका लागि ६ वटा दमकल प्रयोग गरिएको थियो।
नगर प्रहरी, नेपाल प्रहरी, सशस्त्र प्रहरी,नेपाली सेना र स्थानीयको सहयोगमा ललितपुरसँगै भक्तपुर तथा काठमाडौं गरी तीनवटै जिल्लाका ६ दमकलहरूको सहयोगमा आगीलागी नियन्त्रणमा आएको हो।
आगलागीमा भएको क्षतिको विवरण भने आउन बाँकी रहेको छ भने मानवीय क्षति नभएको पनि प्रहरीले जनाएको छ।
