आइएमइ लाइफको बार्षिकोत्सवको अवसरमा बुटवलमा प्रभातफेरी कार्यक्रम सम्पन्न
काठमाडौ । आएमइ लाइफ इन्स्योरेन्स कम्पनी लिमिटेड को ७ औँ वार्षिकोत्सवको अवसरमा बुटवलमा प्रभातफेरी सम्पन्न भएको छ ।
कम्पनीको सातौं वार्षिकोत्सवको अवसरमा कम्पनिले आज शनिवार बुटवल एरियाको आयोजनामा प्रभातफेरी कार्यक्रम सम्पन्न गरेको हो ।
सप्ताहव्यापी कार्यक्रम अन्तर्गत प्रभातफेरी कार्यक्रम , बुटवलको कालिकानगर, चौराहा, मिलनचोक पुगेर पुन: राजमार्ग ,होराइजन हुँदै कालिकानगर पुगि कोणसभामा परिणत भएको थियो ।
प्रमुख अतिथी नेपाल बीमा प्राधिकरणका लुम्बिनी प्रदेश प्रमुख श्री पुर्ण बहादुर थापाले कार्यक्रमको औपचारिक रुपमा समुद्घाटन गर्दै आईएमई लाइफले पछिल्लो समय हरेक इन्डिकेटर्समा अग्रता लिदै गएकोमा आगामी दिनमा पनि यसलाई कायम राख्दै जानेछ भन्दै कम्पनीको सफलताको शुभकामना ब्यक्त गर्नु भएको थियो ।
कार्यक्रममा आईएमई लाइफ इन्स्योरेन्स कम्पनी लिमिटेडका क्षेत्रीय प्रबन्धक राजेन्द्र पन्थीको अध्यक्षता, नेपाल बीमा प्राधिकरण लुम्बिनी प्रदेश प्रमुख पुर्ण बहादुर थापाको प्रमुख आतिथ्यता,, चौराहा सुरक्षा तथा ट्राफिक ब्यावस्थापन कार्यालय रुपन्देहीका गौरव ज्ञावली लगाएतको टिम, कर्मचारी तथा अभिकर्ता लगाएतको उपस्थितिमा सम्पन्न कार्यक्रमको सन्चालन मुर्गिया शाखा प्रमुख सन्जिव गहतराज ले गर्नुभएको थियो ।
