सातौं बार्षिकोत्सवमा आइएमई लाइफद्वारा प्रभातफेरि सम्पन्न
काठमाडौं । सात वर्ष पुरा गरी आठ वर्ष प्रवेशको अवसरमा आइएमइ लाइफले आज विहान काठमाडौंमा प्रभातफेरि कार्यक्रम सम्पन्न गरेको छ । कम्पनीको केन्द्रीय कार्यालय लैनचौरबाट सुरु भएको प्रभातफेरि केशरमहल, ठमेल बजार क्षेत्रमा परिक्रमा गरिएको थियो ।
नेपाली भाषा र अंग्रेजी भाषामा जीवन बीमा सम्बन्धी महत्व दर्शाउने प्लेकार्डसहित करिब एक सयभन्दा बढि आइएमइकर्मीहरुले प्रभातफेरि कार्यक्रम आयोजना गरेका हुन् । कार्यक्रममा बीमा अभिकर्ता, कर्मचारी, व्यवस्थापनका उच्च पदस्थ कर्मचारी तथा सञ्चालकहरुको उपस्थिति रहेको थियो । कार्यक्रमपछि लैनचौरमा अहिले रक्तदान कार्यक्रम सुरु भएको छ ।
