त्रिवेणी स्पिनिङ मिल्सले धागो बिक्री गरेर एक वर्षमा गर्यो २ अर्ब ३८ करोडको व्यापार
काठमाडौँ । एक वर्षको अवधिमा त्रिवेणी स्पिनिङ मिल्सको २ अर्बमाथिको व्यापार गरेको छ । इक्रा नेपालका अनुसार कम्पनीले सन् २०२३ मा २ अर्ब ३८ करोड २० लाख रुपैयाँको व्यापार गरेको हो ।
सन् २०२२ मा ३ अर्ब ७१ करोड ४० लाख रुपैयाँ र सन् २०२१ मा भने १ अर्ब ८० करोड आम्दानी गरेको थियो । सन् २०२२ को तुलनामा सन् २०२३ मा कम्पनीको व्यापार केहि घट्न पुगेको छ । विदेशमा माग कम भएपछि नेपालबाट धागो निर्यातमा कमि आएको हो । आर्थिक मन्दिलगायत नीतिगत अस्थिरताले समेत व्यापार केहि धक्का दिएको देखिएको छ ।
केयर रेटिङ नेपालले कम्पनीको दीर्घकालीन तथा अल्पकालीन कर्जाका लागि १ अर्ब ९८ करोड ९९ लाख रुपैयाँको रेटिङ गरेको छ । नेपाली स्पिनिङको धागो स्वदेशलगायत भारत र टर्कीमा निर्यात हुने गरेको छ । यसपटक निर्यातमा भारी गिरावट आएपछि कम्पनीको व्यापार खुम्चिएको हो ।
अघिल्लो वर्ष ७७ प्रतिशत निर्यात बढेकोमा गत वर्ष ७१ प्रतिशत घटेको छ । टर्कीमा २०२३ को फेब्रुअरीमा गएको विनाशकारी भूकम्पपछि त्यहाँको बन्दरगाहमा भीडभाडले त्रिवेणीले आफ्नो सामान टर्कीमा निर्यात गर्न सकेन । त्रिवेणी स्पिनिङले नेपालमा पोलिएस्टर, भिस्कोज, एक्रिलिक यार्न, मेलाङ्ग र यसको मिश्रणको प्रमुख उत्पादक र निर्यातकर्ता हो । उद्योगले विभिन्न प्रकारका सिंथेटिक धागोहरू विभिन्न प्रकारका मिश्रणहरूमा उत्पादन गर्दछ र सबै प्रकारका बुनाई र बुनाईका लागि गणना गर्दछ ।
मिल्सको सम्पूर्ण सेयर होल्डिङ संघाई परिवारसँग सम्बन्धित व्यक्तिहरूको छ । संघाई समूहको बैंकिङ, बिमा, उत्पादन, व्यापारमा बलियो उपस्थिती छ । १९९५ मा स्थापना भएको त्रिवेणी स्पिनिङ मिल्सले प्राथमिक सेयर (आइपिओ) निष्कासन गर्न गत वर्ष पब्लिक लिमिटेडमा रुपान्तरण भएको हो ।
