हिमालयन बैंकले घटायो निक्षेपको ब्याजदर
काठमाडौं । हिमालयन बैंक लिमिटेडले भदौ १ गतेदेखि लागू हुने गरी निक्षेपको ब्याजदर घटाएको छ ।
बैंकले मुद्दती निक्षेपमा व्यक्तिगततर्फ अधिकतम ७% र संस्थागतमा अधिकतम ६% ब्याजदर निर्धारण गरेको छ । रेमिटेन्समा भने बैंकले १% बढी ब्याज दिनेछ । साउन महिनाका लागि बैंकले व्यक्तिगतमा अधिकतम ७.५००% र संस्थागतमा ६.५००% ब्याजदर तोकेको थियो ।
साधारण बचत खातामा बैंकले न्यूनतम ३.२५०% देखि अधिकतम ५.२५०% सम्म ब्याजदर कायम गरेको छ । साउनमा पनि बैंकले यही ब्याजदर कायम गरेको थियो ।
