फेरी ५ सयले बढ्यो सुनको मूल्य, प्रतितोला कति ?
काठमाडौं । आज नेपाली बजारमा सुनको मूल्य प्रतितोला ५ सय रुपैयाले बढेको छ । सोमबार पनि सुनको मूल्य तोलामा २ सयले बढेको थियो ।
नेपाल सुनचादी ब्यवसाय महासंघका अनुसार मङगलबार छापावाला सुनको मूल्य प्रतितोला ९१ हजार ६ सय रुपैया र तेवाबी सुनको मूल्य ९१ हजार १ सय रुपैयामा कारोबार भइरहेको छ । हिजो भने छापावाला सुनको मूल्य प्रतितोला ९१ हजार १ सय रुपैया र तेजाबि सुन ९० हजार ६ सयमा कायम गरिएको थियो ।
त्यस्तै, हिजो प्रतितोला १ हजार १९० मा कारोबार भएको चादी आज भने तोलामा १० रुपैयाले बढेर १ हजार २ सयमा कारोबार भइरहेको महासंघले जनाएको छ ।
