लघुवित्तको समस्या पहिचानको समितिले प्रतिवेदन बुझाउने गर्यो तयारी, कर्जाको भाकाको समय लम्ब्याउने
काठमाडौं। लघुवित्तको समस्या पहिचान गरि समाधान गर्न सात सदस्यीय कार्यदल गठन गरेको समितिले प्रतिवेदन बुझाउने तयारी गरेको छ।
सरकारको तर्फबाट चार जना र लघुवित्त पिडितको तर्फबाट तीन जना हुने गरि सात सदस्यी कार्यदल गठन गरेका थियो । सो सात सदस्यीय कार्यदलले प्रतिवेदन अन्तिम तयारीमा पुगेको जनाएको हो ।
सरकारको तर्फबाट नेपाल राष्ट्र बैंकका डेपुटी गभर्नर डा निलम ढुंगाना, लघुवित्त सुपरिवेक्षण बिभागका विभागीय प्रमुख रेवती नेपाल, अर्थमन्त्रालयको बैंक बित्तिय समन्वय महाशाखा हेर्ने सहसचिव नारायण प्रसाद रिसाल र महाशाखाकै उपसचिव सदस्य छन्। त्यस्तै कार्यदलमा लघुवित्त बिरोधि संघर्ष समितिको तर्फबाट मनिराम ज्ञवाली, क्षेत्रबहादुर मोक्तान र लुजा राई छन। कार्यदल संयोजकमा डेपुटी गभर्नर डा ढुंगानालाई तोकिएको छ।
लघुवित्त पीडितको माग सम्बोधन गर्न गठित कार्यदलले समस्यामा परेका ऋणीलाई कर्जाको भाका बढाउने गरी प्रतिवेदन तयार पारेको छ ।
कोभिड लगायत परिस्थितिजन्य कारणले समस्यामा परेका ऋणीलाई कर्जाको भाका बढाउने सुझावसहित प्रतिवेदन तयार पारेको कार्यदलका एक सदस्यले जानकारी दिए ।
‘ऋणी सदस्यको परिवारमा कसैको मुत्यु भई काम गर्न नसक्ने अवस्था भएका, अपाङ्गताका कारण काम गर्न नसकेकाहरुलाई कर्जाको भाका बढाउनुपर्ने सुझाव छ,’ ती सदस्यले भने।
