आइएमई लाइफले पायो ट्रिपल बी प्लस रेटिङ
काठमाडौं । आइएमई लाइफ इन्स्योरेन्स कम्पनीले रेटिङ एजेन्सी केयर नेपालबाट ‘केयर–एनपी ट्रिपल बी प्लस’ रेटिङ पाएको छ । उक्त रेटिङले समयमै वित्तीय दायित्व पूरा गर्न सक्षम रहेको मध्यम स्तरको सुरक्षित कम्पनी भन्ने बुझिन्छ ।
रेटिङ एजेन्सी केयर नेपालले कम्पनीलाई अघिल्लो वर्ष ‘केयर–एनपी ट्रिपल बि’ रेटिङ दिएको थियो । गत आर्थिक वर्ष २०८०।८१ को अवधिमा कम्पनीको वित्तीय अवस्था तथा कार्य सञ्चालनमा देखिएको दिगोपनाको वृद्धिका साथै अन्डरराइटिङ कार्यसम्पादन र लगानीबाट आर्जित नाफाका कारण कम्पनीको रेटिङ परिमार्जन भएको हो ।
यस कम्पनीले आगामी दिनहरूमा पनि आफ्ना परिसूचकहरू अझै सशक्त बनाउँदै लैजाने प्रतिबद्धता समेत जनाएको छ ।
