एसईईको नतिजा भोलि सार्वजनिक हुने
काठमाडौँ। राष्ट्रिय परीक्षा बोर्डले माध्यमिक शिक्षा परीक्षा (एसईई) को नतिजा भोलि (बिहीबार) सार्वजनिक गर्ने तयारी गरेको छ । एसईई बोर्डको अन्तिम बैठक बस्न बाँकी रहेकाले भोलि बिहान बैठक बसेर नतिजा प्रकाशन गर्ने निर्णय भएको अध्यक्ष महाश्रम शर्माले जानकारी दिएका छन् ।
नतिजा प्रकाशनमा कमी(कमजोरी हुन नदिन उत्तरपुस्तिकाको अंक रुजु, अंकलाई ग्रेडिङमा रुपान्तरण गर्नेलगायत काम सम्पन्न भइसकेको छ । गत चैत १५ देखि २७ गतेसम्म सञ्चालित एसईईमा पाँच लाख चार हजार ४१४ विद्यार्थी सहभागी थिए ।
यस वर्षबाट नयाँ पाठ्यक्रमका आधारमा परीक्षा लिएकाले सैद्धान्तिकतर्फ कम्तिमा ३५ प्रतिशत अंक नल्याए विद्यार्थी ननग्रेडिङमा पर्नेछन्
