सुनको भाउ ४०० ले बढ्यो, प्रतितोला कति ?
काठमाडौं । नेपाली बजारमा आज सुनको मूल्य तोलामा ४०० ले बढोत्तरी भएको छ । सोमबार १ सयले घटेको सुनको मूल्य मंगलबार ४ सयले बढेको हो ।
नेपाल सुनचाँदी व्यवसायी महासंघका अनुसार आजका लागि छापावाला सुन ९१ हजार रुपैयाँ र तेजाबी सुुन ९० हजार ५०० रुपैयाँ कायम गरिएको छ ।
अघिल्लो दिन सोमबार छापावाला सुन ९० हजार ६०० र तेजाबी सुन प्रतितोला ९० हजार १०० रुपैयाँमा कारोबार भएको थियो ।
त्यस्तै चाँदीको मूल्य पनि बढेको छ । सोमबार १ हजार २०० मा कारोबार भएको चाँदी मंगलबार १० रुपैयाँले बढेर १ हजार २१० रुपैयाँमा कारोबार भइरहेको महासंघले जनाएको छ ।
