पाटन स्वास्थ्य विज्ञान प्रतिष्ठानमा ३३ जना कर्मचारी माग
काठमाडौं । पाटन स्वास्थ्य विज्ञान प्रतिष्ठानले ३३ जना कर्मचारी माग गरेको छ । प्रतिष्ठानले विभिन्न पदहरूमा खुला तथा समावेशी प्रतियोगिताद्वारा स्थायी पदपूर्ति गर्ने गरी दरखास्त आवेदन माग गरेको हो ।
प्रतिष्ठानले प्राध्यापक, सह प्राध्यापक, सहायक प्राध्यापक, फार्मेसी टेक्नोलोजिष्ट, ल्याब टेक्नोलोजिष्ट, ओरल हाईजिनिष्ट, बायोमेडिकल टेक्निसियन, फार्मेसी टेक्निसियन, अटोमोबाईल सव इन्जिनियर र जुनियर लेखा सहायक पदको विभिन्न तह, सेवा, समूह तथा उपसमूहमा ३३ जना कर्मचारी माग गरेको छ ।
यसमा अधिकृतका लागि २१ तथा सहायकको लागि १८ वर्ष उमेर पूरा भएका र प्राज्ञिक सेवातर्फ सहायक प्राध्यापकको लागि ४२, सह प्राध्यापकको लागि ४५ वर्ष, प्राविधिक सेवातर्फ ४०, प्रशासनतर्फ ३५ वर्ष उमेर ननाघेका योग्य नेपाली नागरिकले आवेदन दिन सक्नेछन् । आवेदन दिने अन्तिम मिति असार २७ गते र दोब्बर दस्तूर तिरी साउन ३ गतेसम्म आवेदन दिन सकिनेछ ।
