छाउगोठमा बसेकी किशोरीमाथि बलात्कार, एक जना पक्राउ
काठमाडौं । अछाममा छाउगोठका बसेकी एक १६ वर्षीय किशोरीमाथि बलात्कार भएको छ ।
मंगलबार बेहोस् अवस्थामा भेटिएकी किशोरीलाई उद्धार गरेर अस्पताल लगिएको थियो । उपचारपछि किशोरीले आफूमाथि जबरजस्ती करणी भएको भनेर बयान दिएपछि उनको बयानको आधारमा प्रहरीले एक जना १७ वर्षीय किशोरलाई पक्राउ गरेको छ ।
जबरजस्ती करणीको आरोपमा पक्राउ परेका किशोर किशोरीको नातेदार नै रहेको र उनीहरू एउटै विद्यालयमा पढ्ने गरेको बताइएको छ ।
