हुण्डाईको नयाँ मूल्य सार्वजनिक, भेन्यू एसएक्समको साढे ४ लाख रुपैयाँसम्म घट्यो
काठमाडौँ । नेपालमै हुण्डाई कम्पनीका गाडी उत्पादन थालेको लक्ष्मी इन्टरकन्टिनेन्टल प्रालिले मूल्य निर्धारण गरी सार्वजनिक गरेको छ । स्वदेशमै गाडी उत्पादन गर्न थालेपछि कम्पनीले नयाँ मूल्य निर्धारण गरी बिक्री मूल्य सार्वजनिक गरेको हो ।
कम्पनीले भेन्यू एफएल १.२ एसको मूल्य ४४ लाख ९६ हजार रुपैयाँ र भेन्यू एफएल १.२ एसएक्सको मूल्य ५३ लाख ५६ हजार रुपैयाँ तोकेको छ । यसअघि आयात गरी बिक्री गर्दा भेन्यू एसको मूल्य ४८ लाख ९६ हजार रुपैयाँ र भेन्यू एसएक्सको मूल्य ५७ लाख ९६ हजार रुपैयाँ थियो ।
अब हुण्डाईको भेन्यू एसमा ४ लाख र भेन्यू एसएक्समा ४ लाख ४० हजार रुपैयाँ मूल्य घट्न पुगेको हो ।
