प्रतिकित्ता १४५ रुपैयाँमा नै सानिमा बैंकको शेयर किन्ने मौका
![](https://www.beemapost.com/wp-content/uploads/2023/11/sanima-bank-logo.jpg)
काठमाडौँ । सानिमा बैंकले संस्थापक शेयर बिक्रीमा ल्याएको छ । बैंकले संस्थापक समूह तर्फको ४९ हजार ५० कित्ता शेयर बिक्रीमा ल्याएको हो ।
बैंकका संस्थापक शेयरधनीले आफ्नो नाममा रहेको उक्त सेयर बिक्री गर्ने लागेको हो । उक्त शेयरमा आवेदन दिन चाहने इच्छुकले अबको ३५ दिनभित्र आवश्यक कागजात संलग्न गरी बैंकको केन्द्रीय कार्यालय, नारायणचौर नाक्साल, काठमाडौँमा आवेदन दिन सक्नेछन् ।
सेयरको न्यूनतम मूलय प्रतिकित्ता १४५ रुपैयाँ तोकिएको छ । तोकिएको समयमा संस्थापक सेयरधनीबाट आवेदन परेन भने अन्य व्यक्ति तथा संस्थालाई बिक्री खुला गरिनेछ ।