आइएमई लाइफद्वारा बीमितको घरमै गई बीमा दावी भुक्तानी
काठमाडौं । आइएमई लाइफ इन्स्योरेन्स कम्पनीको बुटवल शाखा कार्यालयले २ लाख ७५ हजार रुपैयाँको मृत्यु दावी भुक्तानी गरेको छ । केही महिना अगाडि मृत्यु भएकि बुटवल उपमहानगरपालिका नयाँगाउँ निवासी स्वर्गीय सुन्तली रायमाझी को परिवारलाई उक्त रकम प्रदान गरेको हो ।
कम्पनीले उक्त रकम स्वर्गीय बीमितका श्रीमान धन बहादुर रायमाझीलाई प्रदान गरेको हो । कम्पनीका क्षेत्रीय शाखा प्रवन्धक राजेन्द्र पन्थी , बुटवल शाखा प्रमुख नारायण गौतम, क्षेत्रीय संयोजक बिष्णु दवाडी सहितको सहभागितामा बीमितको घरमै पुगेर चेक हस्तान्तरण गरिएको हो । रायमाझीले करिब ३ वर्ष अगाडी मात्र आइएमइ लाइफ इन्स्योरेन्समा बीमा गरेका थिए ।
दावी भुक्तानी रकम हस्तान्तरण गर्दै क्षेत्रीय शाखा प्रमुखले बीमाको महत्व प्रकाश पार्दै जीवन बीमा अनिवार्य रहेकोले सबैले जीवन बीमा गराउनु पर्ने बताएका थिए । कार्यक्रममा कम्पनीका कर्मचारी,एजेन्सी मेनेजर निलकन्ठ भुसाल , विजय फुँजाली, स्मृति खत्री तथा स्थानीयको सहभागिता रहेको थियो ।
