बीमा प्राधिकरणको बार्षिकोत्सव भोलिदेखि चार दिनसम्म मनाइने, यस्तो छ कार्यक्रम
काठमाडौं । नेपाल बीमा प्राधिकरणको ५६ औं बार्षिकोत्सव आगामी जेठ १ गते भव्य रुपमा मनाइने भएको छ । प्राधिकरणले बार्षिकोत्सवको अवसरमा भोलिदेखि नै विभिन्न कार्यक्रमहरु सुरुवात गर्दै जेठ १ गते भव्य समारोह आयोजना गरी बार्षिकोत्व मनाउन लागेको हो ।
बार्षिकोत्सवको अवसरमा यही बैशाख २९ गते भोलि अपरान्ह फुटसल प्रतियोगिता आयोजना हुनेछ । सो फुटसल प्रतियोगिता बल्खुमा आयोजना गरिने छ । प्राधिकरणका कर्मचारीहरुका बीचमा अन्तर कर्मचारी फुटसल प्रतियोगिता आयोजना हुनेछ ।
त्यस्तै, बैशाख ३० गते रत्तदान कार्यक्रम राखिएको छ । नेपाल बीमा प्राधिकरणको केन्द्रीय कार्यालय कुपण्डोलमा अपरान्ह ११ः३० बजेदेखि रक्तदान कार्यक्रम आयोजना गरिनेछ ।
त्यस्तै, बैशाख ३१ गते प्रभातफेरि कार्यक्रमको आयोजना गरिनेछ । त्यसको लागि हरेक कम्पनीलाई न्यूनतम् १० जना कर्मचारीसहित भद्रकालीमा उपस्थित हुन भनिएको छ । अन्त्यमा जेठ १ गते अपरान्ह औपचारिक कार्यक्रम आयोजना गरी नेपाल बीमा प्राधिकरणको बार्षिकोत्सव मनाइनेछ ।
