सानिमा रिलायन्स लाइफका एजेन्सी म्यानेजर नारायण बहादुर गुरुङ्ग एमडिआरटी बने

काठमाडौं । सानिमा रिलायन्स लाइफ इन्स्योरेन्सका चिफ एजेन्सी म्यानेजर नारायण बहादुर गुरुङ्ग सन २०२५ को लागि एमडीआरटी बन्न सफल भएका छन् । यो सहित उनी लगातार पाँच पटक एमडीआरटी बन्न सफल भएका छन् ।

कम्पनीको बनेपा २ शाखा कार्यालयमा आवद्ध रहेका एजेन्सी म्यानेजरले छोटो अवधिमा नै सन २०२५ को लागि एमडीआरटीब बन्न सफल भएका हुन् । आफ्नो कामप्रति सधै इमान्दार र सक्रिय रहेका उनले आम नागरिकको बीमा गरी जोखिम हस्तान्तरणको भुमिका निर्वाह गर्दै आइरहेका छन् । गुरुङ उत्तरी धादिङको एक मध्यम परिवारमा जन्मिएका हुन।

कम्पनीका प्रमुख कार्यकारी अधिकृत शिवनाथ पाण्डेले एजेन्सी म्यानेजर गुरुङ्गलाई प्रधान कार्यालयमा बोलाएर नै धन्यवाद व्यक्त गर्दै हौसला प्रदान गरेका छन् । साथै उनले भने, ‘अर्गानिक रुपमा व्यवसाय गरी कम्पनीलाई आर्थिक रुपमा मजबुद बनाउन अभिकर्ताप्रति सधै उच्च सम्मान रहेको छ । आगामी दिनमा पनि अझै प्रगति गर्नुस्।’

सन् २०१९देखि हालसम्म लगातार एमडीआरटी मेम्बर बनिसकेका गुरुङ २०२१ का सिओटी मेम्बर समेत भएका थिए । सम्मान कार्यक्रममा पाण्डे सहित सबै उच्च ब्यबस्थापन र शाखा तथा क्षेत्रका प्रमुखहरुको उपस्थिति रहेको थियो ।

पाँचौ पटक एमडीआरटी बन्न सफल भएका एजेन्सी म्यानेजरले कम्पनीको साथ, सहयोग र हौसलाप्रति हार्दिक आभार व्यक्त गरेका छन् ।