झापामा एकै दिन तीन वटा सहकारीमा तोडफोड
काठमाडौं । झापाको गौरादहमा एकै रात तीन वटा सहकारीमा तोडफोड र चोरी भएको छ । सहकारी दिवसको रात सहकारीमा चोरी भएको हो ।
गौरादह – ५, स्कुलचौन बजारमा रहेको जनहित सहकारी, महारानीझोडा बचत तथा ऋण सहकारीको चप्रामारी सेवाकेन्द्र तथा चप्रामारीकै साना किसान सहकारी संस्थाको कार्यालय तोडफोड गरी नगद चोरी भएको जनाइएको छ ।
स्कुलचौनको जनहित सहकारीको सेफमा रहेको सात लाख रुपियाँ सबै चोरी भएको अध्यक्ष योगेश आचार्यले बताउनुभयो । यसै गरी चप्रामारीको महारानी झोडा सेवा केन्द्रबाट ८५ हजार रुपैयाँ र सानाकिसान सहकारीबाट ५४ हजार रुपियाँ चोरी भएको बताइएको छ ।
