सेयर बजार दोहोरो अकंले घट्यो, १३ वटै उपसूचक राताम्य, कारोबार साढे भने २ अर्ब
काठमाडौँ । साताको अन्तिम दिन समेत सेयर बजार ओरालो लागेको छ । बजार निरन्तर ओरालो लाग्दा लगानीकर्ताको मनोबल समेत कमजोर भन्दै गएको हो ।
लगानीकर्ताले नियामकबाट सकारात्मक पोलिसिको अपेक्षा गरेका छन् । तर, नियामक लगानीकर्तालाई आश्वासन दिन ब्यस्त भएपछि लगानीकर्ता निराश बनेका हुन् । परिसूचक निरन्तर खुम्चि रहेको छ । कारोबार समेत अपेक्षा अनुसार हुन सकेको छैन ।
नेपाल स्टक एक्सचेञ्ज (नेप्से) २८.६८ अकंले घटेर १८७२.०९ बिन्दुमा बन्द भएको छ । बिहिबार ३०९ कम्पनीको ७४ लाख ४६ हजार ९९१ कित्ता सेयर किनबेच हुँदा २ अर्ब ५९ करोड ८७ लाख रुपैयाँको कारोबार भएको छ ।
बिहिबार १३ उपसूचक नै राताम्य भएका छन् । आज बैंकिङ समूहको ०.८८ प्रतिशत, विकास बैंक समूहको १.६४ प्रतिशत र फाइनान्स समूहको ३.२१ प्रतिशतले सेयर मूल्य घटेको हो ।
