सामुदायिक र विपिडव्लु लघुवित्त मर्जरपछि एकीकृत कारोबारको मिति तय

काठमाडौँ । सामुदायिक लघुवित्त र विपिडव्लु लघुवित्तले एकीकृत कारोबारको मिति तय गरेको छ । दुबै लघुवित्त एकआपसमा गाभ्ने÷गाभिने तथा मर्जरमा जाने सम्झौतापश्चात् अब फागुन २४ गतेदेखि एकीकृत कारोबार गर्ने भएका हुन् ।

मर्जरपछि कम्पनीको नाम सामुदायिक लघुवित्त वित्तीय संस्था हुनेछ । दुवै संस्थाको असोज ३० गते सम्पन्न विशेष साधारणसभाले मर्जर तथा प्राप्ति प्रस्ताव पारित गरेका थिए । नेपाल राष्ट्र बैंकले माघ २४ गते तथा नेपाल धितोपत्र बोर्डले फागुन ९ मा मर्जरको लागि अन्तिम स्वीकृति दिएको थियो ।

कम्पनीको केन्द्रीय कार्यालय हालको सामुदायिकको केन्द्रीय कार्यालय रहेको स्थान काभ्रेको साँगामा रहने छ । १००ः०.८५३५ को अनुपातमा राष्ट्र बैंकले मर्जरको लागि स्वीकृति दिएको हो । जस अनुसार सामुदायिक लघुवित्तका १०० कित्ता शेयर हुने शेयरधनीले १०० कित्ता नै शेयर पाउने छन् भने बिपीडब्लु लघुवित्तका १०० कित्ता शेयर हुने शेयरधनीले ८५.३५ कित्ता शेयर पाउने छन् ।