शाखा अधिकृतको अन्तिम रिजल्ट आयो, नियुक्तिका लागि २१७ जना सिफारिस
काठमाडौं । लोक सेवा आयोगले राजपत्राङ्कित तृतीय श्रेणी, शाखा अधिकृत वा सो सरहको अन्तिम नतिजा सार्वजनिक गरेको छ । आयोगले असारमा सञ्चालन गरेको खुला तथा सामावेशी विज्ञापनको परीक्षाको नतिजा सार्वजनिक गरेको हो । प्रारम्भिक परीक्षामा सहभागि झण्डै १६ हजार परीक्षार्थीहरु मध्येबाट अधिकृत पदमा नियुक्तिका लागि २१७ जना सिफारिस भएका छन् ।
नेपाल प्रशासन सेवा, सामान्य प्रशासन, लेखा र राजस्व समूह, नेपाल लेखा परीक्षण सेवा र संघीय संसद् सेवा, सामान्य प्रशासन समूहतर्फको अधिकृत पदको प्रारम्भिक परीक्षा आयोगले गत असार १६ गते सञ्चालन गरेको थियो ।
प्रारम्भिक परीक्षामा १५ हजार ९८४ जना सहभागि भएका थिए । उनीहरुमध्ये दोस्रो, तेस्रो र अन्तिम चरणको अन्तर्वार्ता परीक्षामा जम्मा १४३ जना छनोट भएका थिए । उनीहरुलाई माघ ९ गतेदेखि २६ गतेसम्म अन्तर्वार्ता लिएर अन्तिम नतिजा सार्वजनिक गरिएको आयोगले जनाएको छ ।
