माघ २८ गतेदेखि ‘कुमारी सबल योजना’ को १० करोड इकाई बिक्री खुला हुँदै
काठमाडौँ । कुमारी क्यापिटलले म्युचुअल फण्ड माघ २८ गतेदेखि निष्कासन गर्ने भएकोछ । क्यापिटलले ‘कुमारी सबल योजना’ को कुल १० करोड इकाई निष्कासन गर्न लागेको हो ।
जसमध्ये १ करोड ४० लाख इकाई वा कुल बिक्री भएको इकाईको १४ प्रतिशत विज पुँजीवापत कोष प्रवर्द्धक कुमारी बैंकलाई सुरक्षित गरिएको छ । त्यस्तै, योजना व्यवस्थापक कुमारी क्यापिटललाई १ प्रतिशत अर्थात् १० लाख इकाई सुरक्षित गरिएको छ ।बाँकी ८ करोड ५० लाख इकाई सर्वसाधारणका लागि बिक्री खुला गर्न लागेको हो ।
इकाईधनीहरुले यसमा फागुन २ गतेसम्म आवेदन दिन सकिनेछ भने उक्त समयमा सबै इकाई बिक्री नभएमा फागुन १३ गतेसम्म खुला रहनेछ । प्रतिइकाई १० रुपैयाँको दरले आवेदन दिन सकिनेछ । न्यूनतम १०० इकाईदेखि अधिकतम १ करोड इकाईसम्म आवेदन दिन पाउने व्यवस्था रहेको छ । लगानीकर्ताले सी–आस्वाको माध्यमबाट इकाईमा आवेदन दिन सक्नेछन् ।
