पाटन उच्च अदालतमा हाजिर भएको दुई दिनमै न्यायाधीश मरासेनीको हृदयघातले निधन
![](https://www.beemapost.com/wp-content/uploads/2024/01/marasini.jpg)
काठमाडौं । हृदयघातका कारण पाटन उच्च अदालतका न्यायाधीश मातृकाप्रसाद मरासेनीको निधन भएको छ । हृदयघात भएपछि अस्पताल लगिएका मरासेनीको मंगलबार अस्पतालमै निधन भएको हो ।
न्यायाधीश मरासेनीलाई बिहान एक्कासी हृदयघात भएको थियो । हृदयघातपछि कलंकीको नेशनल अस्पताल लगिएकामा उपचारका क्रममा निधन भएको परिवारका सदस्यले बताएका छन् ।
५६ वर्षीय मरासेनी सरुवा भएर दुई दिनअघि मात्रै पाटन उच्च अदालतमा हाजिर भएका थिए ।