ट्राफिक प्रहरीलाई सिद्धार्थ प्रिमियरको सहयोग
काठमाडौं । सिद्धार्थ प्रिमियर इन्स्योरेन्स लिमिटेडले काठमाण्डौं उपत्यका ट्राफिक प्रहरी कार्यालयलाई ५५० थान सनग्लास सहयोग गरेको छ ।
कम्पनीले निरन्तर गर्दै आइरहेको संस्थागत सामाजिक उत्तरदायित्व अन्तर्गत ट्राफिक प्रहरीलाई सडक व्यवस्थापनमा खटिदा धुलोधुँवा लगायत प्रदुषणले आँखालाई क्षति नगरोस भन्ने हेतुले सनग्लास उपलब्ध गराएको हो ।
उक्त सनग्लास कम्पनीका नायब महाप्रबन्धक दीपक कुमार धूतद्वारा उपत्यका ट्राफिक प्रहरी कार्यालयका प्रमुख प्रहरी नायब महानिरिक्षक पोषराज पोखरेललाई हस्तान्तरण गरिएको थियो ।
प्रहरी नायब महानिरिक्षक पोखरेलले यस कार्यले ट्राफिक प्रहरीलाई सडकमा निरन्तर सेवा दिन धेरै सहयोग पुग्ने बताए । साथै कम्पनीका नायब महाप्रबन्धक धूतले कम्पनीले बेला बखत गर्ने संस्थागत सामाजिक उत्तरदायित्व अन्तर्गत सडक सुरक्षामा अहोरात्र खट्ने ट्राफिक प्रहरीलाई सहयोग गर्न पाउँदा गर्व महसुस भएको धारणा व्यक्त गरे ।
साथै कम्पनीले फेरी पनि आउँदा दिनमा आवश्यक परेको खण्डमा सहयोगलाई निरन्तरता दिने बताए ।
