कृष्णप्रसाद सिटौलालाई राष्ट्रिय सभा अध्यक्षको ढोका खुल्यो, राप्रपाका पौडेल हारे
काठमाडौं । सत्ता गठबन्धनको समर्थनमा कांग्रेस उम्मेदवार कृष्णप्रसाद सिटौला राष्ट्रिय सभा सदस्य निर्वाचित भएका छन् ।
बिहीबार भएको राष्ट्रिय सभा सदस्य निर्वाचनमा सत्ता गठबन्धनका साझा उम्मेदवार सिटौला पाँच हजार दुई सय ९२ मतभारसहित निर्वाचित भएका हुन् । योसँगै उनलाई राष्ट्रिय सभा अध्यक्ष हुने ढोका खुलेको छ ।
नेकपा एमाले र राप्रपा गठबन्धनबाट राप्रपाका उम्मेदवार उद्धव पौडेल पराजित भए । उनले चार हजार पाँच सय ६२ मतभार पाएका थिए ।
