साउनमा भएको शाखा अधिकृत लिखित परीक्षाको नजिता प्रकाशन, लोक सेवाले तोक्यो अन्तर्वार्ता (सूचनासहित)
काठमाडौं । लोक सेवा आयोग केन्द्रीय कार्यालय कमलपोखरीले गएको साउन २५, २६ र २७ गते लिएको शाखा अधिकृततर्फ लिखित परीक्षाको नतिजा प्रकाशित गरेको छ ।
लिखित परीक्षामा सहभागि ४ हजार ६०८ जनामध्येबाट अन्तर्वार्ताको लागि खुलावाट १४४ जना, महिला ५६ जना, आदिवासी जनजाति ४५, मधेशी ६८, दलित ३२, अपाङ्ग १६ र पीछडिएको क्षेत्र ११ गरी ३ सय ७२ जना छनोट भएका छन् । खुलातर्फ माग संख्या १०६, महिला २९, आदिवासी जनजाति २५, मधेशी ३५, दलित १६, अपाङ्ग ५ र पीछडिएको क्षेत्र ४ रहेको छ ।
त्यसरी साउनमा लिखित परीक्षा भएका विज्ञापनको सीप परीक्षण र अन्तार्वार्ता समेत आयोगले तोकेको छ । सीप परीक्षण आगामी माघ ५ गतेदेखि ८ गनेसम्म हुने र अन्तर्वार्ता माग ९ देखि रोल क्रम अनुसार माघ २६ गतेसम्म हुने आयोगले जारी गरेको सूचनामा उल्लेख छ ।
