राष्ट्रिय सभा चुनाव : जसपाले मधेशबाट पाएको एक सिट पनि नेताको छोरीलाई
काठमाडौं । जनता समाजवादी पार्टी (जसपा)ले पार्टीको कार्यकारिणी समिति सदस्यकी छोरीलाई राष्ट्रिय सभा सदस्यको उम्मेदवार बनाउने निर्णय गरेको छ ।
जसपाले पार्टी केन्द्रीय कार्यकारिणी सदस्य गोविन्द चौधरीकी छोरी पूजालाई राष्ट्रियसभा सदस्यको उम्मेदवार बनाउने निर्णय गरेको हो ।
राष्ट्रियसभाको १९ सिटमा सत्ता गठबन्धनमा भएको भागबण्डामा जसपाले मधेशको एक सिट पाएको थियो । आइतबार बसेको जसपा कार्यकारिणी समितिको बैठकले रौतहटकी पूजा चौधरीलाई उम्मेदवार बनाउने निर्णय गरेको हो ।
चौधरी २०७९ मा भएको प्रदेशसभा निर्वाचनमा रौतहट ३ (क) मा पराजित भएकी थिइन् ।
One thought on “राष्ट्रिय सभा चुनाव : जसपाले मधेशबाट पाएको एक सिट पनि नेताको छोरीलाई”
पाठक प्रतिक्रिया :
रास्ट्रीय सभा त छर्लंग भयो नेताका परिवारलाई मात्रै पठाउन राखेका रहेछन ।।।