यातायातमन्त्रीको गाडीमा आगजनीपछि भएको झडपमा एक युवकको मृत्यु
काठमाडौं । भौतिक पूर्वाधार तथा यातायात मन्त्री प्रकाश ज्वालाको गाडीमा आगजनीपछि प्रहरीसँगको झपडमा परी एक युवकको मृत्यु भएको छ । गाडीमा आगजनीपछि ललितपुरको बालकुमारी ग्वार्को क्षेत्रमा दिउँसो इपीएस परीक्षार्थीहरू र प्रहरीबीच झडप भएको थियो ।
प्रहरीसँगको झडपमा परेका २३ वर्षीय सुजन राउतको इमाडोलस्थित किष्ट अस्पतालमा मृत्यु भएको अस्पतालका चिफ अपरेटिङ अफिसर अमिश पाठकले बताएका छन् । राउत बालकुमारी क्षेत्रको सडकमा लडिरहेको अवस्थामा फेला परेपछि उनलाई उपचारका लागि अस्पताल लगिएको थियो ।
राउतको छातीमा निलडाम देखिएको चिफ अपरेटिङ अफिसर पाठकले जानकारी दिए । अस्पताल लगेको ४५ मिनेट जति उनलाई सीपीआर दिइएको बताइएको छ ।
