जीवन बीमा अभिकर्ताको परीक्षा आजदेखि सञ्चालन
काठमाडौं । जीवन बीमा अभिकर्ताहरुको परीक्षा आजदेखि सञ्चालन भएको छ । नेपाल बीमा प्राधिकरणले अभिकर्ताहरुको परीक्षा अनलाइन माध्यमबाट सञ्चालन गरेको हो ।
बीमा प्राधिकरणले आफ्नो आधिकारिक वेबसाईट मार्फत जीवन बीमा अभिकर्ताहरुको अनलाईन परीक्षाको तालिका सार्वजनिक गरेको थियो । सोही तालिका अनुसार परीक्षा सञ्चालन भएको छ ।
सार्वजनिक तालिका अनुसार प्राधिकरणले आजदेखि पुस १३ गतेसम्म बिहान ८ः३० बजेदेखि १० बजेसम्म जीवन बीमा अभिकर्ता परीक्षा सञ्चालन गर्ने भएको छ ।
