आइएमई लाइफ इन्स्योरेन्सको भक्तपुर शाखा श्रृजनानगर चोकमा सारियो
काठमाडौं । आइएमई लाइफ इन्स्योरेन्सको भक्तपुर शाखा कार्यालय श्रृजनानगर चोकमा सारिएको छ । यसअघि भक्तपुर नगरपालिका १ नगरकोट रोडस्थित सल्लाघारी सपिड्ड कम्प्लेक्समा रहेको भक्तपुर शाखा ४०० मिटर अगाडि श्रृजनानगर चोकमा स्थानान्तरण गरिएको हो ।
स्थानान्तरण गरिएको शाखा कार्यालयको सुभारम्भ समेत शुक्रबार एक कार्यक्रमबीच भएको छ । आइएमई लाइफका प्रमुख कार्यकारी अधिकृत कवि फुयाँलले स्थानान्तरित शाखा कार्यालयको उद्घाटन गरेका हुन् ।
नयाँ स्थानमा शाखा कार्यालय स्थानान्तरणसँगै कम्पनीका सेवाग्राही र अभिकर्तालाई थप सहजता प्रदान गर्ने तथा गुणस्तरीय सेवा प्रवाह गरिने प्रमुख कार्यकारी अधिकृत फुयाँलले बताए ।
कार्यक्रममा कम्पनीका प्रमुख सञ्चालन अधिकृत दिनेश अमात्य, नेफ्स्कुनका सञ्चालक सदस्य तथा पारिजात साकोसका अध्यक्ष टंकराज काफ्लेलगायत अन्य कर्मचारीहरु, एजेन्सी म्यानेजरहरु, अभिकर्ताहरु र स्थानीयको उपस्थिति रहेको थियो ।
