नबिल स्टक डिलर औपचारिक शुभारम्भ, पुँजी बजारमा गुणस्तरीयका साथै पारदर्शी रुपमा सेवा दिने प्रतिवद्धता
काठमाडौं । नबिल स्टक डिलर लिमिटेडले आजदेखि औपचारिक रुपमा सेवा सुरुवात गरेको छ । आज काठमाडौंमा एक कार्यक्रमका बीच डिलरको उद्घाटन समारोहमा नेपाल धितोपत्र बोर्डका अध्यक्ष रमेशकुमार हमालले पानसमा दीप बालेर उक्त डिलरको औपचारिक उद्घाटन गरेका हुन् ।
कम्पनीले ब्रोकरेज सेवा, मार्जिन लेण्डिङ्ग, पोर्टफोलियो म्यानेजमेन्ट, सेक्युरिटीज अण्डरराइटिङ, इन्भेस्टमेन्ट तथा कर्पोरेट एडभाइजरी सेवा, डिपोजिटरी सहभागी ९डीपी० सेवा प्रदान गर्नेछ ।
संस्थाले भदौ २० गतेदेखि कारोबार सुरु गरेको भएपनि आज अर्थात मंसिर २९ गते औपचारिक सेवा सुरुवात गरेको हो ।
नयाँ डिलरको रुपमा बजारमा भित्रिएको डिलरले पुँजी बजारमा गुणस्तरीयका साथै पारदर्शी रुपमा सेवा दिने विश्वास छ । त्यस्तै, यसले ब्रोकर नम्बर ७७ को रुपमा ब्रोकरेज सेवा प्रवाह गर्ने छ ।
सो अवसरमा सिडिएससीका प्रमुख कार्यकारी अधिकृत पुर्णप्रसाद आचार्य, नबिल बैंकका प्रमुख कार्यकारी अधिकृत ज्ञानेन्द्र ढुंगाना,नेपाल धितोपत्र बोर्डका पूर्व उपकार्यकारी निर्देशक निरज गिरी लगायतको सहभागिता थियो ।
