यात्रु बढेसँगै फेरि काठमाडौंबाट उडान गर्दै थाई एयरवेज, बैङ्ककमा साताको २० उडान
काठमाडौं । थाई एयरवेजले आउदो शनिबारदेखि बैङ्कक-काठमाडौं-बैङ्कक दैनिक दुई उडान गर्ने भएको छ । अब बैङ्ककमा सातामा २० उडान हुने भएका छन् ।
त्रिभुवन अन्तर्राष्ट्रिय विमानस्थलमा पुनः उडान सुरु गरेको थाई एयरवेजले अब दिउँसो १ः३० र राति १२ः२५ मा बैङ्ककका लागि उडान गर्ने बताइएको छ ।
थाईको उडान थप भएसँगै बजारमा प्रतिष्पर्धा बढ्ने, अर्को मुलुकमा ट्रान्जिट कम हुने र लामो दुरीका हवाई यात्राको भाडा पनि कम हुने नेपाल नागरिक उड्डयन प्राधिकरणले जनाएको छ । सन् १९६८ मै थाई एयरवेजले काठमाडौं उडान सुरु गरेको थियो । काठमाडौंदेखि बैङ्कक हुँदै अष्ट्रेलिया, जापान, कोरिया जाने यात्रु बढेसँगै थाई एयरवेजले पुनः काठमाडौं उडान सुरु गरेको हो ।
हाल थाई एयरवेज, थाई लायन एयर र नेपाल एयरलाइन्सले काठमाडौैं-बैङ्कक-काठमाडौं उडान गर्दै आएका छन् । निगमले सातामा तीन दिन सोमबार, बुधबार र शुक्रबार उडान गर्दै आएको छ ।
