नेपाल बीमा प्राधिकरणले एक दर्जन बीमा कम्पनीहरुको डिडिए गर्दै,चार्टर्ड एकाउन्टेन्सी फर्मसँग प्रस्ताव आह्वान
काठमाडौं । नियामक निकाय नेपाल बीमा प्राधिकरणले आफ्नो नियम कार्य अन्तर्गत बीमा कम्पनीको सम्पत्ती तथा दायित्वको हरहिसाव खुल्ने गरी विस्तृत लेखापरिक्षण ‘डिडिए’ गर्ने भएको छ ।
प्राधिकरणले बीमा कम्पनीको सम्पत्ति र दायित्वको एकिन कारोबारको लेखा परीक्षण गर्नुपर्ने भएकोले प्राधिकरणले पहिचान भएका १२ वटा बीमा कम्पनीको डीडीए गर्न लागेको हो।
प्राधिकरणले चालु आर्थिक वर्ष २०८०÷८१ मा समितिबाट डिडिए गर्नुपर्ने गरी पहिचान भएका बीमा कम्पनीहरुमा डिडिए गर्न इच्छुक चार्टर्ड एकाउन्टेन्सी फर्म वा कम्पनीहरुबाट प्राविधिक तथा आर्थिक प्रस्ताव आह्वान गरेको छ ।
कम्पनी आफैले खोजेका चार्टर्ड एकाउन्टेन्ट पूर्वाग्रही हुने आकलन गर्दै प्राधिकरणले आफैले डिडिए गर्ने फर्म तथा कम्पनी तोकिदिने गर्दछ । यसरी जुन फर्म वा कम्पनीले सस्तो दरमा प्रस्ताव आह्वान गर्छ उसैले डिडिएक जिम्मेवारी पाउछन्।
यसका लागि समिति प्राधिकरणले आवश्यक मापदण्ड पनि तयार पारिदिएको छ ।
