बीमापोष्टकी उप सम्पादक खत्री सम्मानित
काठमाडौं । बीमापोष्टकी उप सम्पादक रिना खत्री सम्मानित भएकी छिन् । नेपाल आर्थिक पत्रकार संघ (नाफिज) को १४ औं बार्षिकोत्सवको अवसरमा आज आयोजित कार्यक्रममा बीमा क्षेत्रमा उत्कृष्ट समाचार लेखे बापत २५ हजार रुपैयाँ नगद सहित पुरस्कृत भएकी हुन् ।
नाफिजको बार्षिकोत्सवमा आयोजित कार्यक्रममा भौतिक पूर्वाधार तथा यातायात मन्त्री प्रकाश ज्वालाले प्रमाणपत्र र नगद सहित सम्मान गरेका हुन् । ५० हजार रुपैयाँ राशीको बीमा सम्बन्धी सो पुरस्कार अर्की पत्रकार भिमा पन्थी र उप सम्पादक रिना खत्रीलाई संयुक्त रुपमा प्रदान गरिएको हो ।
आजै आयोजित कार्यक्रममा भरत मोहन अधिकारी सहकारी पत्रकारिता पुरस्कारबाट विकास न्यूजका सिआर भण्डारी सम्मानित भएका छन् । त्यस्तै भरत मोहन अधिकारी नाफिज आर्थिक पत्रकारिता पुरस्कारबाट अन्नपूर्णपोष्टका रोविन पौडेल पुरस्कृत भएका छन् । त्यस्तै, नेपाल बीमक संघ नाफिक कृषि पत्रकारिता पुरस्कार रितेश त्रिपाठीले प्राप्त गरेका छन् ।
