सिडिएस एण्ड क्लियरिङ्गमा वरिष्ठ कम्युटर अपरेटरदेखि उपप्रबन्धकसम्म जागिर खुल्यो (सूचनासहित)
काठमाडौें । सिडिएस एण्ड क्लियरिङ्ग लिमिटेड (सीडीएससी)मा उपप्रबन्धकदेखि वरिष्ठ कम्युटर अपरेटरसम्मका लागि आवेदन खुलेको छ । लोकसेवा आयोगले लिने आन्तरिक, खुला तथा समावेशी प्रतियोगितात्मक लिखित परीक्षाका लागि सीडीएससीले विज्ञापन खुलाएको हो ।
आन्तरिकतर्फ उपप्रबन्धक, वरिष्ठ अधिकृत माग गरिएको छ भने खुल्लामा आईटी अधिकृत र वरिष्ठ कम्युटर अधिकृतका लागि आवेदन खुलेको छ । यस्तै, छैटौं तहको अधिकृतमा महिला र पाँचौ तहको वरिष्ठ सहायकमा मधेसी कोटाको आवेदन मागिएको छ ।
आउँदो पुस ५ गतेसम्म दरखास्त दिने मिति तोकिएको छ भने पुस १२ गतेसम्म दोब्बर दस्तुर तिरेर पनि आवेदन दिन सकिने भनिएको छ । दरखास्त सिडिएस एण्ड क्लियरिङ्ग लिमिटेड, शेयर मार्केटस् कमर्सियल कम्प्लेक्स, पुतली सडक पुगेर बुझाउनुपर्ने भनी विज्ञापन मै उल्लेख गरिएको छ ।
