भाटभटेनीको मुख्य स्टोर टंगालमा नयाँ कर्पोरेट भवनको शिलान्यास
काठमाडौं । टंगालस्थित भाटभटेनी सुपरस्टोर परिसरमा नयाँ कर्पोरेट भवनको निर्माण कार्य सुभारम्भ भएको छ। कम्पनीका अध्यक्ष मीनबहादुर गुरुङ दम्पत्तीले विधिपूर्वक पूजा गरेर कर्पोरेट भवनको शिलान्यास गरेका हुन्।
भाटभटेनीको मुख्य स्टोर परिसरमा यसअघि ग्राहकको सुविधाका लागि लिफ्टसहितको पार्किङ भवन निर्माण भइसकेको छ। कम्पनीका अध्यक्ष गुरुङले यसलाई नयाँ अध्यायको सुरुवात भनेका छन् ।
उनले अब ग्रहाकलाई थप गुणस्तरीय सेवा दिने बताएका छन् । ललिता निवासको जग्गा किनबेच प्रकरणमा हालैमात्र धरौटी तिरेर थुनामुक्त भएका मिनबहादुरले भाटभटेनीका नाममा अहिलेसम्म देशभर २६ वटा आउटलेट संचालनमा गरिसकेका छन् ।
