आइजिआई प्रुडेन्सियल इन्स्योरेन्सको मुनाफामा उल्लेख्य बृद्धि, यस्तो छ समग्र वित्तिय अवस्था
![](https://www.beemapost.com/wp-content/uploads/2023/06/IGI-prudential-insurance.jpg)
काठमाडौं । आइजिआई प्रुडेन्सियल इन्स्योरेन्सका अधिकांश वित्तीय सूचक बढेका छन् । कम्पनीले प्रकाशित गरेको चालु आर्थिक वर्षको पहिलो त्रैमासिक वित्तीय विवरणले यस्तो देखाएको हो ।
प्रकाशित वित्तीय विवरण अनुसार कम्पनीले चालु आर्थिक वर्षको पहिलो त्रैमाससम्ममा पाँच करोड ११ लाख रुपैयाँ बराबरको खुद नाफा कमाएको छ । कम्पनीले गत आर्थिक वर्षको सोही अवधिमा तीन करोड ४ लाख रुपैयाँ कमाएको थियो ।
चालु आर्थिक वर्षको असोज महिनासम्ममा कम्पनीको महाविपत्ती कोषमा सात करोड २१ लाख रुपैयाँ, संचिती जगेडा कोषमा ११ करोड ९५ रुपैयाँ रहेको छ ।
चालु आर्थिक वर्षको पहिलो त्रैमासमा कम्पनीले ५८ करोड ३४ लाख रुपैयाँ कुल बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ३८ करोड ९५ लाख रुपैयाँ कुल बीमा शुल्क आर्जन गरेको थियो ।
कम्पनीले समीक्षा अवधिमा २२ करोड ५२ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले १० करोड ११ लाख रुपैयाँ खुद बीमा शुल्क आर्जन गरेको थियो ।
समिक्षा अवधिमा कम्पनीले एक करोड ४४ लाख रुपैयाँ अभिकर्ता कमिशनमा खर्चिएको छ । असोज मसान्तसम्ममा कम्पनीको प्रतिशेयर आम्दानी ६ रुपैयाँ ७५ पैसा र प्रतिशेयर नेटवर्थ १६० रुपैयाँ २० पैसा रहेको छ ।