सोनापुर मिनरल्सको आइपीओ भोलि बाँडफाँड हुँदै, कतिले पाउँछन् शेयर ?
काठमाडौं । सोनापुर मिनरल्स एण्ड आयल लिमिटेडको आइपीओ भोलि (बुधबार) बाँडफाँड हुने भएको छ । कम्पनीको बिक्री प्रबन्धक एनआइएमबी एस क्यापिटलले (असोज २४ गते) बुधबार बाँडफाँडको कार्यक्रम रहेको जानकारी दिएको हो ।
कम्पनीको आईपीओमा आवेदन दिने अन्तिम दिनसम्ममा ३ अर्ब ५० करोड ७८ लाख ९७ हजार २१० रूपैयाँको एक करोड ४७ लाख ६५ हजार १२० कित्ताका लागि आवेदन परेको छ । कम्पनीले ९७ लाख ३२ हजार ५४४ कित्ता शेयर निष्काशन गरेको थियो । कम्पनीको आइपीओमा आवेदन दिन झण्डै डेढ लाखको हात खालि हुने छ ।
कम्पनीले प्रतिशेयर १०० रुपैयाँ अंकित मूल्यमा १३७ रुपैयाँ ५८ पैसा प्रिमियम थप गरी कुल २३७ रुपैयाँ ५८ पैसामा सर्वसाधारणका लागि आईपीओ निष्काशन गरेको थियो ।
कम्पनीको आईपीओमा मागभन्दा बढी आवेदन परेको कारण गोलाप्रथाबाट बाँडफाँड गरिने बिक्री प्रबन्धक एनआईएमबि एस क्यापिटलले जनाएको छ ।
