यस्ता छन् मन्त्रिपरिषद् बैठकले गरेका निर्णय
काठमाडौँ । सोमबार बसेको मन्त्रिपरिषद् बैठकले नेपाल स्टक एकस्चेन्ज लिमिटेडको प्रमुख कार्यकारी अधिकृत (सीईओ) पदमा चुडामणी चापागाईलाई नियुक्त गर्ने निर्णय गरेको छ।
त्यसैगरी, बैठकले आगामी पाँच आर्थिक वर्षसम्मका लागि प्रदेश र स्थानीय तहलाई उपलब्ध गराइने राजस्व बाँडफाँटको विस्तृत आधार र ढाँचा स्वीकृत गरेको छ।
बैठकले म्यानमार सरकारलाई औषधि र अन्य राहत सामग्री उपलब्ध गराउने निर्णयसमेत गरेको छ। साथै, नेपाली सेनाको चिकित्सक टोली म्यानमार पठाउने निर्णय पनि गरिएको छ।
