गोली काण्ड भएको ठाउँमा सयौ विद्यार्थीको आन्दोलन
काठमाडौं । प्रहरी र राजावादी समूहबीच झडप भएको स्थानमा सयौं विद्यार्थी आन्दोलनमा उत्रिएका छन्। गत शुक्रबार प्रदर्शनका क्रममा भएको झडपमा एक जना पत्रकार र एक प्रदर्शनकारीको मृत्यु भएको थियो । सोहि क्रममा आफ्नो साथीलाई गोली लागेको विरोधमा कोटेश्वर बहुमुखी क्याम्पसका विद्यार्थीहरूले प्रदर्शन गरेका छन्।
बीबीएस तेस्रो वर्षमा अध्ययनरत खत्री चैत १५ गते आन्दोलनकै क्रममा घाइते भएकी थिइन्। हाल उनको अस्पतालको सघन उपचार कक्ष (आईसीयू) मा उपचार भइरहेको विद्यार्थीहरूले बताएका छन्।
प्रदर्शनकारी विद्यार्थीहरूले दोषीमाथि कडा कारबाहीको माग गर्दै नाराबाजी गरेका छन्। उनीहरूले घटनामा संलग्न जिम्मेवार व्यक्तिहरूलाई तत्काल कानूनी दायरामा ल्याउन माग गर्दै उचित न्याय नपाएसम्म आन्दोलन चर्काउने चेतावनीसमेत दिएका छन्।
